انا هاتجنن مش لاقي تفسير لهذه الظاهره رغم اننى افهم جيدا فى مجال الستلايت من التسعينات


المنتدى الفضائى العام

الرسيفر بيجى علي الساعه 3 الفجر ويقطع هوريزنتال ويشتغل فيرتكال وباقي النهار شغال تمام وكل يوم فى نفس الموعد ممكن بدري ربع ساعه او متأخر ربع ساعه المهم الفجر بيقطع افقي وبيشتغل القنوات اللى علي التردد العمودى. اللى عنده تفسير لهذه الظاهره يتفضل ولكم جزيل الشكر

----------------------------

شغل الريسيفر على طبق تانى باللسلك بتاعة وجرب

----------------------------

اقتباس:
المشاركة الأصلية كتبت بواسطة سنقر9 مشاهدة المشاركة
الرسيفر بيجى علي الساعه 3 الفجر ويقطع هوريزنتال ويشتغل فيرتكال وباقي النهار شغال تمام وكل يوم فى نفس الموعد ممكن بدري ربع ساعه او متأخر ربع ساعه المهم الفجر بيقطع افقي وبيشتغل القنوات اللى علي التردد العمودى. اللى عنده تفسير لهذه الظاهره يتفضل ولكم جزيل الشكر
ظبط الطبق خاص بحضرتك وزي ما تفضل الاخ الفاضل جرب الريسيفر على طبق اخر وسلك عشان تعرف مصدر المشكله فى جزء من مشغلات الريسيفر..

----------------------------

غير القطعه

----------------------------

حصلت عند زبون كانت الساعه 11 بالليل بعض التردات تقطع نهائي غيرت القطعه دون جدوي غيرت مكان الطبق اشتغل تمام التمام

----------------------------

غطاء القطعه البلاستيك مفطوع ولا لا

----------------------------

ياجماعه الخير اولا شكرا لتجاوبكم معايا بس انا والله مش بتدعي الخبره بس انا من سنه 1997 عندى طبق وكانت بنزل سوفت ويرات للاجهزه هيوماكس 5400 و5100 وكنت بشحن كروت وبركب اطباق متحركه يعنى انا موجود بس هاوى وانا مركب كل قرايبي وانا شخصيا عندى طبقين واحد نايل سات واموس والتانى اوربي ويوتلسات 7 درجه وانا لما حصل معايا كدا طلعت علي الاوربي لقيته قاطع العكس يعنى معظم التردات العمودى قاطعه بس للامانه كان فيه شغال .. حقيقي مش لاقي تفسير . لو من القطعه . القطعه اللى علي الاوربي غير النايل سات . ولو من الطبق النايل سات علي طبق والاوربي علي طبق تاانى
اتمنى اكون وفقت فى التوضيح . واشكركم للتفاعل والمشاركه

----------------------------

ناخد الموضوع وحده وحده قطع الاشاره له أسباب كتير اكتر مسبباتها السلك أو الالدايذك وأحيانا بيكون عطل فى الرسيفر وأحيانا شبكات المحمول
نبدأ بأول شىء حنفصل الدايذك ونوصل مباشر ونجرب
ثانيا لو استمرت المشكله نجرب بسلك صغير جنب الطبق
ثالثا نجرب رسيفر آخر على الطبق لو قطع اشاره يبقى المشكله فى الدايذك فى العدسات فى التوصيلات اذا لم يقطع يبقى الرسيفر فيه مشكله ضعف فى الباور بيظهر بعد عدد ساعات معينه من العمل يبتدى العيب يظهر ودى حصلت معايا مع ناس كتير ويفكرو أن الرسيفر مفهوش مشكله ويسبوه لما يقطع خالص بمرور الوقت وبعدين يجبوهلى للصيانه

----------------------------

من الاخر وعلى مسؤوليتي غير سلك ودعيلي والتفسير انو العوامل الجوية ليها تاثير على السلك لانو في الفجر بيكون في شوية برودة يعني البرد بيخلي السلك يتقلص يعني يشد شوية وبكدا ممكن يعمل كدة اما في الحر بيتمدد ويتتغير قيمتو وعن تجربة الكلام دا

----------------------------

اقتباس:
المشاركة الأصلية كتبت بواسطة shrifstar84 مشاهدة المشاركة
ناخد الموضوع وحده وحده قطع الاشاره له أسباب كتير اكتر مسبباتها السلك أو الالدايذك وأحيانا بيكون عطل فى الرسيفر وأحيانا شبكات المحمول
نبدأ بأول شىء حنفصل الدايذك ونوصل مباشر ونجرب
ثانيا لو استمرت المشكله نجرب بسلك صغير جنب الطبق
ثالثا نجرب رسيفر آخر على الطبق لو قطع اشاره يبقى المشكله فى الدايذك فى العدسات فى التوصيلات اذا لم يقطع يبقى الرسيفر فيه مشكله ضعف فى الباور بيظهر بعد عدد ساعات معينه من العمل يبتدى العيب يظهر ودى حصلت معايا مع ناس كتير ويفكرو أن الرسيفر مفهوش مشكله ويسبوه لما يقطع خالص بمرور الوقت وبعدين يجبوهلى للصيانه
اولا اشكرك علي ردك الراقي . ولومشكله رسيفر انا عندى ستار سات 4080 وعندى سالك اتش ون وعندى سيناتور 777 وعندى سيناتور999 بلتوث واي فاي داخلي . هاغير الرسيفر واكيد هاقولك علي النتيجه . وشكرا لمعاليك .بس اللى بجد مجننى الرسيفر شغال طول النهار كويس وبعد 2.45 فجرا يقطع افقي علي النايل سات

----------------------------

اقتباس:
المشاركة الأصلية كتبت بواسطة marwanrajeh مشاهدة المشاركة
من الاخر وعلى مسؤوليتي غير سلك ودعيلي والتفسير انو العوامل الجوية ليها تاثير على السلك لانو في الفجر بيكون في شوية برودة يعني البرد بيخلي السلك يتقلص يعني يشد شوية وبكدا ممكن يعمل كدة اما في الحر بيتمدد ويتتغير قيمتو وعن تجربة الكلام دا
ااشكرك لردك ولو المشكله ف السلك بسيطه واكيد هااغيرو وهايكون اخر حل .وشكرا جزيلا

----------------------------

المشكلة فى القطعة

----------------------------

حبيبي الكريم انت
تعلم ان استقبال القنوات يسمى بمظومه استقبال مكونه من خمسه اشياء وهى المكان والطبق والقطه والسلك و الرسيفر وطبعا العيب محصور بينهم وطبعا بتجربه ستصل الى مسبب العطل انا معاك ان فى حجات تحير جدا انا فى مره عند زبون الاشاره بتقطع كل يوم خميس فالبدايه ضحكت وقلت مش معقول وقلت لزبون لما تفصل اتصل بيا وفعلا ولقيت الاشاره فاصله تخيل العيب يطل فين راكب بلكون وغسيل الجار الى فوقيه بيقطع الارسال وشكلهم متعودين يغسلو الخميس تم تغير مكان الطبق وانتهت المشكله واسف لالطاله

----------------------------

من الاخر كده تغير السلك وهيشتغل معاك افقي وعمودي حصلت معايه لدرجة شكيت في الرسيفر وكنت هغير لهو 8550 اشاره افقي وايضا شكيت في القطعه لحد لما وصلت لعطل السلك بعد ماجربت السلك بتاعي علي الطبق ونفس القطعه وعرفت انه عيب سلك وغيرنا السلك بتاع الراجل واشتغل تمام

----------------------------

1جرب رسيفر آخر على الطبق
2جرب بسلك صغير جنب الطبق
3حنفصل الدايذك ونوصل مباشر
4ممكن تغير القطعةLNB

----------------------------

الكونتر لة تاسير كدا الطبق واخد نسبة ارضى عالية

----------------------------

مشكلة البالكونة بتحصل كتير والغسيل مشكلة الكنوتر بتحصل كتير

----------------------------