عندى مشكله فى مكان تركيب الماتور على طبق 180 ecc


تركيب و صيانة الدش المتحرك ( الموتور و البوزيشنر )

عندى مشكله فى مكان تركيب الماتور على طبق 180 ecc والموضوع باختصار ان الثقب اللى على دراع الطبق من الخلف مش قصاد الثقب اللى فى قطعة الحديد المثبته على البولار اللى هيه جنب مسمار الميزان بمعنى اخر يوجد ثلاثة اذرع خلف الطبق اللى حامله الطبق الدراع اللى فيه ثقب تركيب الماتور نازل شويه مش قصاد المسمار اللى حيركب عليه الماتور من عند البولار ما الحل تقريبا عيوب تصنيع

----------------------------

ارجو من سيا دتكم الرد

----------------------------

مفيش حد قرا رسالتى وتناقش معايا ودلنى اعمل ايه انا قمت بثنى القطعه الحديد المثبته على البولار اللى هى فيها ثقب تثبيت الماتور وقمت بتثبيت الماتور من تحت ثقب الحديده الموجوده على البولار وشغال بس طبعا حمل الماتور على البليه الكبيره اللى هى مثبته عليه وطبعا فيه لقه من عند البليه بسبب تثبيته تحت الحديده وليس فوقها ما الحل ارجوكم واسف اننى اطلت لانى لم ارفع صور للمشكله وطبعا عدم ثبات البليه مع اللقه بيحصل بعض الخلل فى الترددات وبفقد ترددات الفيد فى الطلوع والنزول بالماتور

----------------------------

مفيش ولا رد على مشكلتى ايه السبب

----------------------------

اقتباس:
المشاركة الأصلية كتبت بواسطة سميرماجد مشاهدة المشاركة
عندى مشكله فى مكان تركيب الماتور على طبق 180 ecc والموضوع باختصار ان الثقب اللى على دراع الطبق من الخلف مش قصاد الثقب اللى فى قطعة الحديد المثبته على البولار اللى هيه جنب مسمار الميزان بمعنى اخر يوجد ثلاثة اذرع خلف الطبق اللى حامله الطبق الدراع اللى فيه ثقب تركيب الماتور نازل شويه مش قصاد المسمار اللى حيركب عليه الماتور من عند البولار ما الحل تقريبا عيوب تصنيع

لو نزلت صوره اخ سمير كان اتضح السؤال والإخوه ردوا عليك بسرعه
لكن مما أفهمه من كلامك لما بتنزل بالطبق ناحية اقصى الغرب (الهسباسات )الفتحه فى دراع الطبق مش بتبقى قصاد عروة الموتور
لو كان فهمى صحيحا ، يمكنك عمل ثقب قصاد عروة الموتور ببنطه 13 مم لتناسب مسمار 19 بحيث يكون الموتور عند التركيب افقيا
ولا تخشى من عمل الفتحه فليس لها تأثير سلبى على الذراع وشخصيا عامل أكتر من فتحه فى الدراع لأسباب مختلفه
والله أعلم


الصور المرفقة
نوع الملف: jpg IMG_DishStartPos2_Final.jpg‏ (122.5 كيلوبايت, المشاهدات 33)
----------------------------

شكرا للرد يا فندم هو غالبا نفس الصوره دى وانا مثبته زى حضرتك كده الماتور قفيزه تحت الحديده بيخلى البليه الخاصه بالماتور فيها حريه زايده وده بيعمل لقه فى الطبق ان عاوز اثبته فوق الحديده مش تحتها

----------------------------

دى صوره من الطبق وعند مشكله ايضا فى مسمار المحور فيه لقه قمت بوضع ورده بين حرف اليووالجلبه النحاس من الخارج وانا علمت عليها فى الصوره وما زالت اللقه موجوده هل اضع وردهبين اليووالجلبه النحاس من الناحيه الاخرى انا عاوز اتفادى انى اعمل جلب تانى لان اللى فى الطبق اكيد انضف من اللى حتتصنع ارجو منكم الافادة

الملفات المرفقة
نوع الملف: zip ٢٠٢٠٠٢٠٤_٠٩١٦٢.zip‏ (3.61 ميجابايت, المشاهدات 33)
----------------------------

اقتباس:
المشاركة الأصلية كتبت بواسطة سميرماجد مشاهدة المشاركة
شكرا للرد يا فندم هو غالبا نفس الصوره دى وانا مثبته زى حضرتك كده الماتور قفيزه تحت الحديده بيخلى البليه الخاصه بالماتور فيها حريه زايده وده بيعمل لقه فى الطبق ان عاوز اثبته فوق الحديده مش تحتها

البوش فى بلية الموتور ليس له علاقه بتركيب القفيز فوق أو تحت و المفروض شغلة البليه ان الموتور يكون حر الحركه فى جميع الإتجاهات
كمان الصوره اللى حضرتك ارفقتها مش موضحه فلانشة تركيب الموتور ياريت صوره للفلانشه من خلف الطبق وليس من الجانب مع تحياتى



الصور المرفقة
نوع الملف: jpg ٢٠٢٠٠٢٠٤_٠٩١٦٢.jpg‏ (166.1 كيلوبايت, المشاهدات 28)
----------------------------