تجربتى المريرة مع الفنى والقطعة البريفيكس المزدوجة اللبنى


تركيبات الدش و الشبكات المركزية

سأروى لكم تجربتى المريرة مع الفنى والقطعة المزدوجة بريفيكس اللبنى علبة سودا ، من دون a1,بعد ما إتصلت بصاحب المحل أكتر من مرة،تانى يوم،بعتلى الفنى ووصيته يجيب مسطرة للتركى w3, وجالى تانى يوم أتصالى بالمحل،والمطلوب تركيب القطعة المزدوجة الجديدة لعلاج مشكلة تقطيع القنوات الأتش، وتركيب التركى على المسطرة المذكورة،وظبط الأوروبى ،وذلك على طبق متر بريفيكس مثبت على سور سطح العمارة المجاورة بالدور الثالث عشر،،،،وبعد،طلبنا المفتاح من بواب العمارة المجاورة بعد ما أخد اللى فيه النصيب،وإذا بى أفاجأ به يركب التركى على نفس مسطرة النايل،وقال هنضحى ببعض قنوات النايل،قولتله يا عم أحمد،هوا انا مش أيلك على مسطرة للتركى،برطم بأى كلام،،،وفضل يلوح فى المسطرة عشان يستقبل القمرين،ونزلنا الشقة لئيت المشكلة بتاعةالقطعة المزدوجة،وتقطيع قنوات الاتش زى ماهيا،رغم إشارة الكثيرين لجودة القطعة وعلاجها لهذه المشكلة!!! وإشارات النايل ضعيفة جدا،بس كل القنوات جاية،لكن مع الهوا إنسى،،،قولت مش مهم،نشوف التركى،لئيته جاب إشارة ضعيفةجدا برضه للتركى وقنوات مش جاية أصلا وقنوات جاية اتناشر بالمائة،على ريسيفر كيوماكس الجولد،،،وطبعا من كتر التنتيش مش جاية،والوالا أبو شبشب،،،مبسوط وبيقولى أهية شغالة،تخيلوا،،،،طبعا أقنعته نطلع فوق تانى،ونجيب مسطرة،وافق نطلع،بس مارضيش يجيب مسطرة،قالى هظبطهولك،فضل يلوح فى المسطرة عشان يجيب النايل،وبعدمانزلنا تانى مرة،التركى اتحسن شوية،لكن الإشارة كالعادة، أقل من الطبيعى نتيجة عدم وجود المسطرة الخاصة به،بالنسبة للنايل،طبعا الأشارة فى الضياع،جايبلى الحياة 47 % و النهار 49 %،،،أول مرة أشوف تردد النهار أعلى من الحياة، ناهيك عن الترددات الضعيفة جاية تلاتينات زى تردد 10815,ومع أى شوية هوا فى الدور الثالث عشر،تقطيع غير طبيعى،،،الأغرب لم يأتى بعد،،،،فالحسنة الوحيدة اللى عملها مع الأوروبى،ورفع اشارته لدرجة كبيرة،(ليست المثلى،لكن إشارة جيدة)،فوجئت بتنتيش كل كام دقيقة وقطع تام للأشارة،واحول وارجع،تيجى تانى الإشارة،وذلك على الترددات العالية زى 10949 و 11179, رغم الأشارة أصلا،حاجة وسبعون!!!! علما بأن دا مكانش موجود قبل كدة،رغم ضعف الإشارة الشديد،أقصد قبل الضبط، حتى التركى اللى ركبه،على قطعة بريفيكس برتقالى جديدة،أحيانا يقطع إشارة على بعض الترددات بس بيرجع تانى على طول،،،(ومش عاجبه التركى،بيقولى انتا مركبه ليه،ولا يعرف إيدمان ولا يعرف ديجى تورك المكسورة ولا يعرف حاجة فى أى حاجة!!!! ) فيا ترى ،ما سبب هذه التقطعات رغم قوة الأشارة على الأوروبى؟ وما السبب الذى دفعه لعدم جلب المسطرة؟ هل أراد توفير ثمنها مثلا ولا إيه؟رغم إنه أخد الخمسة وسبعون جنيه اللى طلبها صاحب المحل وجبتله تمر هندى كمان عشان أفكله المائة جنيه،،،،لأ وكان عاوز عشرة جنيه كمان،،،،شوفتوا البجاحة،،،،جايز التمر هندى،ماعجبوش،،،،بعدها بساعتين ،أرسلت له رساله،وقولتله،القنوات بتقطع والدنيا أخر بهدلة،الله يسامحك يا عم أحمد،،،،،،وهذا هوا حال الفنيين بمصر،كحال الإشارة، فى الضياع،،،أهو الواحد فضفض برضه عشان مايتخانائش،بقلب القاهرة،فما بالك بالأقاليم،أسف للإطالة،تحياتى

----------------------------

شكله كدا مكان اللى فى طبق به مشكله تشويش مثلا مش معقوله مش عارف يجيب نايل سات وw3

----------------------------

تعالى شوف في غزة بنعمل العجب
شوفلك واحد متمكن فاهم شو بدك بالظبط

----------------------------

اخى الكريم قم بطرح مشكلتك باختصار اكثر من ذلكــ
الموضوع مغلق لتشتيت ذهن القارئ

----------------------------