بعيداً عن الكلام الكتير ... شاهد تجربتي الفعلية للقطعة PRIFIX علبة خضرا


تركيبات الدش و الشبكات المركزية

السلام عليكم

النهاردة جاتلي تركيبة في منطقة المنتزة بالأسكندرية وهي تركيبة نايل سات عادية جداً المهم إن الراجل قاللي إنك هتركبلي الطبق بتاعي وهتظبط الطبق بتاع أخويا علشان فيه قنوات بتقطع فقولتله ده ممكن يكون عيب قطعة أو سلك المهم إني أخدت الطبق الجديد إللي هيتركب وعملت حساب أخوه في القطعة والسلك

ما علينا من تركيبة النايل سات لأنها مش مستاهلة يعني وخلينا في الطبق بتاع أخوه ... هو قاللي إن فيه قنوات بتقطع أهمها قناة مسايا علشان المدام عنده لأنها قناة أفراح وفساتين وكدا يعني فأنا راجعت على السلك ولقيته زي الفل وسلك محمل ومحترم المهم فقولتله العيب في القطعة عاوزة تتغير وقولت بقى فرصة أصور وأعمل موضوع إثبات للناس إللي بتقول إنها قطعة عادية

وده شكل الطبق بالقطعة القديمة


مستوى قناة مسايا بالوضع القديم للطبق


ودي القطعة إللي كانت راكبة فيه وهي قطعة drake


المهم إني لما قولت للراجل إن العيب من القطعة ومحتاجة تتغير فقالي أنا عندي قطعة قديمة كنت مركبها أوروبي على طبق تاني وشلتها قولتله مفيش مشكلة هاتها أجرب بيها

هي دي القطعة المركونة عند الراجل


شكل الطبق بعد تركيب القطعة المركونة عنده


مستوى قناة مسايا بعد تركيب القطعة المركونة عند الراجل


المهم إني قولتله إن أخوك كلمني وإني جبت معايا قطعة جديدة فقاللي ماشي ركبها لو هي إللي هتحل المشكلة وطبعاً القطعة كانت PRIFIX علبة خضرا

شكل الطبق بعد تركيب القطعة الجبارة


مستوى قناة مسايا بعد تركيب القطعة بدون أي تعديل على الطبق


طبعاً الراجل كان مستغرب جداً إني عمال بصور القطع والطبق بس أنا فهمته إني عاوز أعمل موضوع وكدا يعني بس هو مكانش مهتم غير بتمن القطعة والتركيب وقعد يفاصل معايا هههههههه ... يارب بس الناس إللي بتقول إنها قطعة عادية يكون الموضوع ده إثبات ليهم وإللي حابب يعرف شكل القطعة ومعلومات عنها يتفضل هنا

----------------------------

فعلا اخى playstation.2 انا جربت القطعة من غير تعديل على طبق 180 متحرك وكانت عاملة نتائج جيدة جدا معايا وشلتها وركبت فوجى قديم والفرق مش كبير جدا زى مكنت متوقع خالص تحياتى لك

----------------------------

الله ينور عليك هستخدمها فى قمر أن أس أس 57 شرق لأنى جربت كذا قطعة مش عايز يجى وفى أتجاه القمر يوجد شبكة تقوية أتصالات

----------------------------

اولاالقطعة ركبت على طبق صغير يعنىى ثابت يبق الحكم عليها ىملهوش اساس والقطعة ضعيفة على المتحرك والله اعلم

----------------------------

مشكور أخي بلايستيشن 2 على الموضوع والتنسيق الرائع ويارب يكون في أستفاده للناس اللي بتبقى محتاره بالنسبه لقطعه الطبق الثابت ؛

----------------------------

اقتباس:
المشاركة الأصلية كتبت بواسطة خالد الغمراوى مشاهدة المشاركة
اولاالقطعة ركبت على طبق صغير يعنىى ثابت يبق الحكم عليها ىملهوش اساس والقطعة ضعيفة على المتحرك والله اعلم
لا حول ولا قوة إلا بالله ... إنتا ليه محسسني إني قريب أبو العزم مثلاً وبعدين فيه راجل بيقولك أهو إنه جربها على طبق متحرك والنتائج كانت ممتازة جداً وقريبة جداً جداً من الفوجي هذا كله بدون تعديل على القطعة هذا كله بالإضافة إلى أن الطبق كان راكب فيه قطعة وتم تجربة قطعة أخرى يعني قطعتين والنتائج كانت سيئة فما هو تفسيرك للنتائج الممتازة بمجرد تركيب القطعة البريفكس

----------------------------

القطعة ممتاذة وعدلتها على 10 سم وكانت افضل من الاسترونج البلاستيك

----------------------------

مع احترام لكل الاراء على رائسى لكن لابد من وقفة من الاعضاء الجددالمحترمين

----------------------------